36.8 C
Skopje
Sunday, August 1, 2021

Amazon отвора фризерски салон со напредни технолошки решенија

Најчитани вести

Огледало во салонот на Amazon ќе открие како луѓето можат да изгледаат со различна боја на коса, па е можно да експериментирате со бои и изглед на коса дури и пред фризерот да ги фати ножиците.

Amazon ја проширува својата област на деловна активност во уште една индустрија, малку неочекувано кога станува збор за оваа технолошка компанија чија основна дејност е онлајн трговија. Така, наскоро ќе го започне својот прв фризерски салон во Лондон. Невообичаено за Amazom, но не е тешко да се претпостави дека нема да биде обичен салон, туку ќе доминираат интересни технолошки решенија. Самите услуги не треба да бидат премногу различни од традиционалните салони и да нудат услуги како што се фризури, боење, фенирање итн. Она што ќе ги направи различни и што ќе биде најинтересно за корисниците е огледалото со поддршка за проширена реалност.

Благодарение на ова огледало, пред да започнете со шиење и боење, ќе можете да експериментирате со различни виртуелни бои и нијанси на бои за брзо и лесно да ја пронајдете бојата која најмногу ви се допаѓа. Откако ќе се најде најдобрата нијанса, вистинска боја се нанесува на косата. Доколку ова решение се покаже задоволително и прифатливо, ваквите огледала би можеле да се прошират во салоните за убавина во иднина и да им ја олеснат работата на фризерите, барем кога станува збор за боење на косата. Покрај AR огледалата, посетителите во салонот на Амазон ќе имаат пристап до весници и списанија, но секако во дигитално издание, на Fire таблет уредите.

Друга интересна работа во врска со салонот на Amazon е тоа што во него ќе бидат изложени голем број производи за нега на коса, а кога посетителите ќе одберат одреден производ, информациите за него ќе се појават на големиот екран. Оние кои сакаат да купат одреден производ ќе можат да го скенираат QR-кодот поставен веднаш до него и врската ќе го однесе на страницата на Amazon каде што ќе можат веднаш да го купат.

Amazon истакнува дека ова е експериментален проект со цел да демонстрираат нови технологии и производи и тие не планираат понатаму да отвораат нови салони на други локации, иако тоа не значи дека во иднина нема да се предомислат. Салонот на Amazon наскоро ќе биде отворен само за вработените во Amazon, а потоа ќе биде достапен за сите.

Повеќе вести

- Advertisement -spot_img

Најнови вести