Игор Алексовски и во наредниов период ќе го носи дресот на македонскиот фудбалски прволигаш Работнички.
Клубот од Дебар Маало ја информира јавноста дека со Алексовски е постигнат договор тој да остане во сегашната средина најмалку до крајот на натпреварувачката 2024/2025. Игор е македонски репрезентативец кој во досегашната кариера има настапувано за повеќе клубови на нашата сцена како Македонија Ѓорче Петров, Вардар, Шкупи, Ренова, па неговото останување е супер вест за „романтичарите“ кои се во врвот на ПМФЛ и ќе имаат што да кажат во борбата за титулата.
Кога се во прашање нашите прволигаши, ГФК Тиквеш 1930 се пофали со потписот на 32-годишниот Филип Михаљевиќ.
Се работи за напаѓач на кого последен клуб му бил Габела од БиХ, а нив фудбалското патување освен на Балканот каде бил активен и во својата татковина, Хрватот настапувал во Бугарија, Полска, Камбоџа, Италија и Република Ирска. Претходно тимот од Кавадарци ги доведе Филип Купанов, Рушту Јонус, Арби Воша и Даниел Миловановиќ.
