Home » Алек Болдвин се изјасни невин за убиство од небрежност

Алек Болдвин се изјасни невин за убиство од небрежност

by Журнал

Глумецот Алек Болдвин се изјасни невин по обвиненијата за убиство од небрежност во пукањето на снимањето на филмот „’Рѓа“, во коешто снимателката Халина Хачинс беше убиена, а режисерот Џоел Соуза беше ранет.

Болдвин ја отфрли одговорноста за смртта на Хачинс, инсистирајќи дека му било кажано дека пиштолот е „ладен“, што значи дека во него има само празни куршуми, и дека оружјето пукало иако тој не го повлекол чкрапалото. Обвинителите тврдат дека побарале обвинение откако независно форензичко проучување утврдило дека пиштолот не можел сам да испука куршум доколку не се повлече чкрапалото.

Исказот на Болдвин уследи неколку дена откако специјалната обвинителка Кари Морисеј покажа фотографии што посочуваат дека вистински куршуми биле донесени на сцената од страна на управувачот со пиштолот за потребите на филмот, Хана Гутјерез.

Според сведочењето во судницата и полициските записи, Гутјерез ракувала со пиштолот пред да му го предаде на помошникот-режисер, Дејвид Холс, кој му рекол на Болдвин дека пиштолот е „ладен“.

Гутјерез се соочува со посебно обвинение за убиство од небрежност и судење од 21 февруари, додека Холс се изјасни за виновен и доби шестмесечна условна казна поради небрежна употреба на смртоносно оружје.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More