Алијансата од 243 невладини организации и група активисти за човекови права повикаа на дипломатски бојкот на Зимските олимписки игри во Пекинг, само една недела пред нивната инаугурација.
„Зимските олимписки игри во Пекинг ќе бидат отворени и покрај злосторствата против човештвото и другите сериозни прекршувања на човековите права извршени од кинеската влада“, се вели во заедничката изјава во петокот.
„Овие Олимписки игри не можат да бидат ‘сила за добро’“
Групата ги повика владите на земјите-учеснички да се приклучат на дипломатскиот бојкот, а спортистите и патроните да не им даваат легитимитет на кинеските власти за кршење на човековите права.
„Не е возможно Олимпијадата да биде ‘сила за добро’, како што тврди Меѓународниот олимписки комитет, сè додека владата домаќин врши ужасни злосторства што го крши меѓународното право“, рече Софи Ричардсон, директорка на кинескиот огранок на Humans Rights Watch.
Групата го истакна нејзиниот третман кон етничките и верските малцинства и го истакна прогонството на активистите за човекови права, феминистките, адвокатите и новинарите од страна на Кина под Џјинпинг.
„Владата го протера некогаш живото граѓанско општество во Хонгконг, ги прошири техниките на надзор за значително да ги намали правата на изразување, здружување и мирно собирање и дозволи принудна работа со кршење на меѓународното право“, се вели во соопштението на групата.
Пекинг се најде на удар на странски критичари поради злоупотребата на Ујгурите и нејзините акции во Хонгконг. Неколку земји, меѓу кои САД, Велика Британија и Австралија, најавија дипломатски бојкот на Игрите.
Но, генералниот секретар на ОН, Антонио Гутереш, и рускиот претседател, Владимир Путин, се на списокот на достоинственици кои треба да присуствуваат на церемонијата на отворање на 4 февруари.
