Актерот Патрик Демпси е прогласен за најсекси маж оваа година од магазинот „People“. Демпси речиси две децении важи за еден од најпосакуваните мажи на светот, а најголемо внимание привлече во серијата „Вовед во анатомија“ каде го глумеше хирургот Дерeк Шепард.
„Мило ми е што тоа се случува во овој момент од мојот живот. Убаво е да се добие признание, а ми дава можност да го искористам ова за нешто позитивно“, изјави 57-годишниот актер.
Тој е во брак со 57-годишната шминкерка и основачка на линија за убавина Џилијан Финк. Тие се венчаа во 1999 година, а заедно ја имаат ќерката Талула (21) и 16-годишните близнаци Саливан и Дарби. Пред бракот со Џилијан, седум години беше во брак со актерката Роки Паркер.
Магазинот „People“ ја доделува оваа титула од 1985 година, кога ја освои Мел Гибсон, а лани титулата за најсекси маж ја освои актерот Крис Еванс.
