Експертите за сајбер безбедност открија мобилна шпионска апликација која цели на паметни телефони со Android.
Најновото откритие за мобилен шпионски софтвер, наречено LianSpy, е насочено кон паметните телефони со Android во Русија.
Сепак, неговите неконвенционални методи за следење на податоците на корисниците можат да се применат и во други региони, што значи дека сите корисници на Android треба да бидат внимателни.
LianSpy е откриен во март 2024 година, а долго време е активен и работи во сенка најмалку три години, пишува The Sun.
За разлика од другите шпионски софтвери, LianSpy бара од корисникот да преземе одредени активности со цел целосно да се стартува и да се интегрира во телефонот на корисникот.
По стартувањето, малициозниот софтвер проверува дали ги има потребните „дозволи“ за користење преклопувања, читање контакти и пристап до записите на повиците.
Ако ги нема, шпионскиот софтвер ќе „бара“ дозвола од корисникот, маскиран како системска апликација и апликација за финансиски услуги за да го постигне тоа.
Најдобра заштита – преземање апликации од официјални извори
LianSpy нема да исчезне наскоро, имајќи предвид дека хакерите стануваат се пософистицирани како што се развива технологијата.
Сепак, постојат неколку клучни чекори што корисниците, особено сопствениците на телефони со Android, можат да ги преземат за да се заштитат од шпионски софтвер.
Преземањето апликации само од официјални продавници и каталози е добар почеток, но шпионскиот софтвер сепак успева да се инфилтрира дури и во нив.
Правило што треба да се следи е да преземате само апликации што ви се потребни и да се осигурате дека преземате апликации од доверливи извори, како што се легитимни компании или брендови.
