Аријана Гранде повторно пееше во Манчестер по терористичкиот напад

Светската ѕвезда Аријана Гранде вчера повторно настапи пред публиката во Манчестер по терористичкиот напад што се случи на нејзиниот концерт во 2017 година на кој загинаа 22 нејзини обожаватели. Неколку недели подоцна таа одржа и хуманитарен концерт за жртвите од нападот. Концертот на пејачката беше во рамките на настанот поврзан со правата на ЛГБТ-заедницата.

Гранде веднаш на публиката ѝ откри дека е полна со емоции и дека Манчестер има посебно место во нејзиното срце.

„Среќна сум, ама и малку нервозна што сум со вас. Фала што ме поканивте да ви пеам, овој град секогаш ќе има посебно место во моето срце“, рече таа на почетокот на концертот.

Аријана пееше 35 минути, а настапот го почна со песната No Tears Left To Cry, првата што ја сними по терористичкиот напад на нејзиниот концерт. Во публиката беа и фанови што биле на концертот пред две години. За потсетување, на концертот што Гранде го одржа во 2017 година, загинаа 22 лица, а имаше и многу повредени фанови. Потоа пејачката направи пауза од речиси една година и често велеше дека не може да се соочи со фактот што на нејзин концерт се случи толку трагичен настан.Текстот Аријана Гранде повторно пееше во Манчестер по терористичкиот нападе превземен од Reporter.mk.

InterServer Web Hosting and VPS