Примирјето не се почитува: Конфликтите продолжуваат помеѓу Баку и Ереван, има и мртви!

Министерството за одбрана на Ерменија објави дека армијата на Азербејџан отвори оган двапати во текот на ноќта и дека користела артилерија. Министерството објави дека „непријателот отворил оган недалеку од градот Јабраил, како и во околните села, користејќи минофрлачи и артилерија“. Во соопштението се вели дека азербејџанската армија презела „реципрочни мерки на одмазда“.

Официјални лица во Нагорно Карабах соопштија дека азербејџанските сили започнале напад врз нивните воени позиции и дека има и мртви и ранети од двете страни.Нагорно Карабах е планинска територија што е меѓународно признаена како дел од Азербејџан, но со неа управуваат Ерменци.

– Во текот на ноќта, непријателот испукал минофрлачи и артилерија околу ослободените села на реката Араз. Ниту еден војник не е убиен. Нашите единици реагираа адекватно – објави прес-службата на воениот оддел.
Во меѓувреме, дописник на Спутник од главниот град Карабах јавува дека ноќта во Степанекерт поминала мирно.Портпаролот на Министерството за одбрана на Ерменија, Шушан Степанјан, изјави дека Азербејџан утрово започнал офанзива во Карабах, додека Баку го обвинува Ереван за артилериски напад врз азербејџанските позиции.
Според прес-службата на ерменската армија, Азербејџан во текот на ноќта изгубил четири тенкови.

InterServer Web Hosting and VPS