Путин: Русија ќе ја зајакнува нуклеарната индустрија

epa05072104 Russian President Vladimir Putin gestures as he speaks during his annual news conference at the World Trade Center in Moscow, Russia, 17 December 2015. He was expected to address questions on domestic and international issues, especially Russia's involvement in Syria and Ukraine, and its fight against international terrorism. EPA/YURI KOCHETKOV

Русија планира да го зајакне потенцијалот на нуклеарната индустрија, соодветно одговарајќи на геополитичките и технолошките предизвици, истакна рускиот претседател Владимир Путин по повод Денот на работниците во нуклеарната индустрија, пренесе „Спутник“.

„Историјата докажува дека ваквите големи достигнувања, во сфера како што е нуклеарната индустрија, не се случајни. „Зад нив стојат научни и инженерски школи, работа за десетици компании и илјадници луѓе, квалитетно образование и систематско обучување на кадрите“, рече претседателот Путин.

Тој подвлече дека динамичниот развој на домашниот нуклеарен комплекс денес, како и враќањето на престижот и привлечноста на работата за младите во оваа сфера, докажуваат дека „Русија има потенцијал“. „И ние доследно ќе го зајакнуваме, соодветно одговарајќи на геополитичките и технолошките предизвици на 21-от век“, додаде Путин.

Претседателот им се заблагодарил на сите работници во нуклеарната индустрија за квалитетна работа и одличните резултати и им посака успех.

Оваа година руската нуклеарна индустрија одбележува 75 години постоење. Државната корпорација „Росатом“ е една од водечките технолошки компании, која обединува енергетика, машинство и градежништво.

„Росатом“ е една од десетте најголеми компании во светот, со 400 компании и организации во кои работат повеќе од 250.000 вработени.

InterServer Web Hosting and VPS