ZTE Axon 20 5G ќе биде првиот смартфон со камера под екранот

Компанијата ZTE најави дека во септември на пазарот ќе пласира смартфон со селфи камера сместена под екранот.

Се работи за паметниот телефон ZTE Axon 20 5G, кој ќе има 6,92-инчен OLED екран без засек, отвори и други веќе видени решенија за предната камера. Досега телефоните со дисплеи, кои ја заземаа целата предна површина користеа pop-up механизам за селфи камерата, но ZTE има намера да стане прва компанија, која ќе понуди уред со предна камера сместена под дисплејот. На ова решение работат и другите поголеми компании, а го видовме и на прототипот на Oppo уред. Голем предизвик е да се фотографира и да се снима преку екранот, кој не е целосно проѕирен.

ZTE не откри никакви спецификации, но се шпекулира за предна камера од 32MP, како и за задни камери од 64 и 8MP.

Резолуцијата на споменатиот 6,92-инчен екран изнесува 2460 x 1080 пиксели, уредот наводно ќе има до 12GB RAM, како и батерија од 4120 mAh.

InterServer Web Hosting and VPS