Дачиќ: Србија нема да се меша во апсењето на амбасадорот на Азербејџан

Министерот за надворешни работи на Србија, Ивица Дачиќ, изјавил дека амбасадорот на Азербејџан во Србија, Црна Гора и БиХ, Елдар Хасанов, не бил уапсен во Србија, туку во Азербејџан и дека станува збор за внатрешна работа на таа земја.

„Тоа е внатрешно прашање на Азербејџан и нивните безбедносни и судски тела и Србија не се меша во тоа. Хасанов беше уапсен во Азербејџан“, рекол Дачиќ во изјава за српските медиуми.

Амбасадорот Елдар Хасанов е уапсен под сомнение дека проневерил голема сума пари од буџетот, соопшти денеска прес-службата на државната безбедност на Азербејџан.

„Тој е обвинет за проневера на голема сума на буџетски средства, како и за други прекршоци“, објавила прес-службата на државната безбедност.

Хасанов е приведен како осомничен во истрагата. Кривичната постапка се наоѓа во фаза на истрага.

InterServer Web Hosting and VPS