Неутешното семејство на актерката не губи надеж дека ќе ја пронајдат

Потрагата трае неколку дена без успех, а нејзината мајка, татко, пријатели и поранешен сопруг Рајан Дорси пристигнуваат уништени на местото на нејзиното исчезнување и влегуваат во езерото за да се обидат да се поврзат со Наја и ја повикуваат во солзи. Дејли Мејл пренесува дека тие цел ден го поминале на езерото, тешејќи се и охрабрувајќи се едни со други, понесени од различни емоции, а нејзиниот татко и брат дури и решиле да пливаат облечени. Полицијата и истражителите не се надеваат дека ќе ја најдат жива актерката, особено откако снимките од видео надзорот покажале како влегува во чамецот, а спасувачите во него го пронашле само нејзиниот син.

Потрагата е исто така попречена од фактот дека водата во езерото е многу матна, валкана и полна со водни растенија во кои човечкото тело лесно може да се заплетка и да помине незабележано многу долго време. Наја актерската кариера ја започна на 4-годишна возраст кога се појави во серијалот „Кралското семејство“, за што доби номинација за најдобра млада актерка. После неколку улоги во американски серии, таа имаше најголем успех како Сантана Лопез во серијалот „Glee“. Првата улога во филм ја имаше во 2014 година, кога ја играше Вера во хорор филмот „На вратата на ѓаволот“. Покрај актерството, Наја е вклучена и во музика, а во 2011 година потпиша договор со Колумбија Рекордс и две години подоцна го издаде синглот „Извини“ во соработка со раперот Биг Шон.

InterServer Web Hosting and VPS