Повредени 11 мигранти во сообраќајна несреќа на патот Радовиш – Штип

Единаесет мигранти се повредени во сообраќајна несреќа што се случила вчера на патот Радовиш – Штип во која учествувале два автомобила и камион.

Според информациите на МВР, несреќата се случила околу 20 и 35 часот, на место викано Дваесетти километар помеѓу автомобил „мерцедес“, со велешки регистарски ознаки, управувано од возач кој избегал, камион „даф“, со скопски регистарски ознаки, управувано од С.Ј.(61) од село Булачани, Скопско, и уште еден автомобил „мерцедес“, со бугарски национални ознаки, управувано од Е.К.(50) од Штип.

Во незгодата, со повреди се здобиле 11 мигранти, 10 од Пакистан и еден од Авганистан, кои се превезувале во патничкото возило „мерцедес“, со велешки регистарски ознаки, Е.К. и Т.К.(85) од Штип, совозач во патничкото возило „мерцедес“, со бугарски национални ознаки, кои биле пренесени во Клиничка болница Штип за укажување лекарска помош.

InterServer Web Hosting and VPS