Ѓукановиќ за законот за геј-бракови: Влегуваме меѓу најразвиените демократии во светот

Црногорскиот претседател, Мило Ѓукановиќ, и премиерот Душко Марковиќ го поздравија донесувањето на Законот за истополови бракови во Црна Гора.

Тие оценија дека тоа е чекор напред кон друштвото на најразвиени демократии во светот.

Ѓукановиќ смета дека Црна Гора како општество созрева, ги прифаќа и ги живее различностите.

Тој на својот профил на „Твитер“ напиша дека ова е првпат Црна Гора со закон да регулира истополовите заедници.

„Потврда дека ние како општество созреваме, прифаќаме и живееме разновидност! Родени слободни и еднакви по достоинство и права!“, наведе Ѓукановиќ.

Марковиќ, исто така, оцени дека овој закон е голем чекор во вистинска насока за црногорското општество, неговата демократска зрелост и процесот на интеграција.

„Еднаквоста и еднаквите права за сите се основа на човековите и европските вредности“, напиша Марковиќ на „Твитер“.

Синоќа парламентот на Црна Гора го донесе Законот за животно партнерство на лица од ист пол, за чие усвојување беше потребен 41 глас од вкупно 81 пратеничко место во собранието.

InterServer Web Hosting and VPS