Храната што содржи холин го намалува ризикот од деменција!

Во неодамнешниот труд објавен во американското списание за клиничка исхрана, истражувачите од Универзитетот во Источна Финска откриле дека земањето фосфатидилхолин, хемиски претходник на холин, доведува до намален ризик од деменција кај средовечни и постари мажи. За да се разбере поврзаноста помеѓу внесот на холин и ризикот од развој на деменција, тимот ги проучувал податоците од 2.497 мажи на возраст од 42 до 60 години кои не покажале знаци на деменција.

Врз основа на нивните откритија, истражувачите заклучиле дека високиот внес на фосфатидилхолин е поврзан со намален ризик од деменција и подобри когнитивни перформанси. Затоа е заклучено дека холин може да помогне во намалување на ризикот од развој на деменција.

Други хранливи материи кои помагаат да се спречи деменцијата

Околу 50 милиони луѓе ширум светот во моментов страдаат од невролошко нарушување што доведува до деменција, покажуваат неодамнешните извештаи на Светската здравствена организација (СЗО). Не постои општ лек за деменција или невролошки нарушувања со кои оваа болест честопати се поврзува. Од таа причина, клучно е да се превенира нејзината појава што е можно поскоро. Како што укажуваат тековните студии, правилната исхрана и диетата можат да помогнат во заштитата на мозокот од ментално оштетување. Еве некои од најдобрите хранливи материи и соединенија за здравјето на мозокот:

Омега 3 масни киселини

Омега 3 масни киселини кај риби како што се лосос, харинга или сардини помагаат да се заштити мозокот од воспаление и оштетување на клетките. Омега 3 исто така ја подобруваат функцијата на мозокот и придонесуваат за неговиот развој. Извори од омега 3, базирани на растителни производи, вклучуваат семе од чиа, ореви, прокељ и масло од ленено семе.

Флавоноиди

Овошјето и зеленчукот содржат растителни соединенија наречени флавоноиди. Овие органски соединенија се познати дека покажуваат силни антиоксидантни активности против воспаление што можат да ги оштетат клетките на мозокот и да го оштетат целокупното здравје на мозокот. Флавоноидите исто така го штитат мозокот од Алцхајмерова болест. За да ги зголемите заштитните ефекти на флавоноидите, јадете повеќе бобинки и зелена салата.

Витамин Е

Витаминот Е е омилен заради неговиот корисен ефект врз здравјето на кожата. Сепак, овој моќен антиоксиданс исто така може да ја запре прогресијата на Алцхајмеровата болест. Може дури и да го намали ризикот од мозочен удар и други невролошки состојби, како што е Паркинсонова болест. Храната богата со витамин Е вклучува повеќето ореви, семиња и растителни масла.

InterServer Web Hosting and VPS