Шансите и иднината се создаваат преку гласачката кутија

Најубави мои, почна кампањата за изборите, на кои ќе избереме кој ќе не претставува и води во наредните 4 години, во време полно предизвици.

Јас мојот избор одамна го направив, и сум цврсто определен.

На страна на нормалноста, наместо лудилото.

На страна на заедништвото, наместо поделбите.

На страна на љубовта и солидарноста, наместо омразата и насилството.

На страна на еднаквоста, наместо гледањето на граѓаните во први, втори или трети редови, нивно делење на еднакви и поеднакви.

На страна на правдата, а не на криминалот и апашлукот.

На страна на консолидирање, модернизирање, функционалност и транспарентност на системот, а не на бирократизирањето, партизирањето, криењето и јавашлукот.

На страна на напредокот, слободата, еднаквите можности и шанси за сите нас, без оглед на нашите припадности и определби.

Тие шанси и иднината се создаваат преку гласачката кутија. Ако не си ги создадеш сам, ќе ги трпиш последиците на туѓите одлуки и на сопствената неодлучност. Јас избирам да учествувам во кроењето на сопствената судбина и иднина. Се надевам и вие. Со среќа на сите во кампањата и на 15 јули!

ФБ статус на Петрит Сарачини

InterServer Web Hosting and VPS