Гугл ќе плати пет милијарди долари поради следење на милиони корисници?

Компанијата Google беше тужена во вторникот во парнична постапка под обвинение за нелегално нарушување на приватноста на милиони корисници со следење на нивната употреба на интернет пребарувања дури и во приватен режим.

Обвинението, кое бара оштета од пет милијарди долари од интернет гигантот, го обвинува Google за нелегално собирање информации за тоа што луѓето пребаруваат и кои страници ги посетуваат преку разни апликации и алатки за страници, вклучително и Google Analytics и Google Add.

Иако повеќето корисници на Google претпоставуваат дека нивната историја на пребарување не се следи додека сурфаат во приватен режим, компанијата вели дека тоа не е точно, но тврди дека тоа не е нелегално, пренесува Reuters. Приватниот или „инкогнито“ режимот во Google Chrome им овозможува на корисниците да пребаруваат на Интернет, така што нивната активност не е зачувана во историјатот или уредот од кој пребаруваат.

Меѓутоа страниците што ги посетуваат корисниците можат да користат алатки, како што е Google Analytics, за да го следат однесувањето на корисниците, пренесува РТС.

Во тужбата се наведува дека компанијата „не може да продолжи во ова тајно и неовластено собирање на податоци на секој Американец со компјутер или телефон“.

Google сè уште не одговори на овие обвинувања.

InterServer Web Hosting and VPS