Скопјани ќе може да ги плаќаат сметките за вода преку мобилна апликација

Следејќи ги трендовите на дигитализација, ЈП „Водовод и канализација“ – Скопје овозможува пристап до сите информации за претпријатието преку својата веб-страница www.vodovod-skopje.com.mk, пристап до електронските сервиси преку e.vodovod-skopje.com.mk и преку мобилната апликација достапна за Android и IOS.

ЈП „Водовод и канализација“ – Скопје е прво јавно претпријатие кое им овозможува на своите корисници пристап до своите услуги преку мобилна апликација. Преку примена на мобилната апликација корисниците, покрај можноста за плаќање на сметките, пријавување состојба на водомерите и дефекти, имаат можност на брз, лесен и едноставен начин со следење на упатствата во секој момент да направат преглед на корисничките броеви, да додадат корисник или доколку имаат промени, да ги ажурираат своите податоци.

За секоја дополнителна информација за услугите на ЈП „Водовод и канализација“ – Скопје, заинтересираните граѓани може да се обратат на:

– 02 3073 010, дежурно-информативен центар; 02 3240 300, дирекција; kontakt@vodovod-skopje.com.mk; www.vodovod-skopje.com.mk; www.facebook.com/jpvodovod.skopje.

„Шалтерите за наплата, во согласност со новите промени за движење, работат секој работен ден од 7.30 до 17 часот и сабота од 8 до 13 часот. За таа цел и за да се заштитиме и превенираме во ширењето на коронавирусот, задолжително носете маска, држете растојание, не групирајте се и следете ги сите препораки издадени од Министерството за здравство“, се вели во соопштението.

InterServer Web Hosting and VPS