Двајца починати од коронавирус, во Скопје нема новозаразени

Во изминатите 24 часа во болницата „8 Септември“ починал пациент од Прилеп на возраст од 55 години, хоспитализиран на 22 април, кој 13 дена бил приклучен на респираторна машина.

Во болницата во Битола, пак, починал пациент хоспитализиран на 4 мај како сомнителен на Ковид-19, чиј посмртен брис покажал присуство на вирусот, се наведува во дневниот извештај на Министерството за здравство.

Во изминатите 24 часа направени биле вкупно 292 тестирања, а потврдени се 13 нови случаи на коронавирус, и тоа по три во Прилеп и Тетово, Велес-5 и Битола и Куманово по еден.

Институтот за јавно здравје во изминатото деноноќие регистрирал 44 оздравени пациенти, и тоа во Скопје – 5, Куманово – 12, Прилеп – 9, Велес – 12, Битола – 2, Неготино – 2 и Кавадарци и Крушево по еден.

Вкупната бројка на дијагностицирани во нашата земја од почетокот на епидемијата изнесува 1.539 , бројката на оздравени пациенти е 1.057, на починати е 88, а во моментов бројот на активни случаи во земјата изнесува 394.

InterServer Web Hosting and VPS