Граѓаните на Косово ќе може да излегуваат надвор само час и половина дневно

Министерството за здравство на Косово вечерва ги објави новите мерки против Kовид-19, според кои граѓаните постари од 16 години од среда ќе можат да излегуваат единствено за набавки на прехранбени и фармацевтски производи во период од час и половина во текот на денот.

Косовскиот министерот за здравство, Арбен Витиа, на вечерашната вонредна прес конференција пред Владата соопшти дека мерките ќе важат до 5 мај, појаснувајќи дека периодот во кој граѓаните ќе можат да го користат своето време за набавки, од 7 до 22.30 часот, се определува според претпоследната бројка од нивниот матичен број во личната карта.

За деца под 16-годишна возраст исто така ќе биде дозволено излегување по час и половина дневно, но единствено во придружба на член од тесното семејство. Во возилата во движење, пак, возачите ќе можат да превезуваат најмногу по уште едно лице.

InterServer Web Hosting and VPS