Во Србија регистрирани 73 нови случаи и три нови жртви, вкупно заразени 457 лица

epa08272524 Healthcare professionals wearing protective suits and healthcare masks at work inside the isolation area of the Amedeo di Savoia hospital in Turin, northern Italy, 05 March 2020. Premier Giuseppe Conte said Thursday the cabinet had earmarked 7.5 billion euros to support families and businessesthat are facing the coronavirus emergency. EPA-EFE/Alessandro Di Marco

Во Србија во изминативе 24 часа, од 295 новотестирани, позитивни на коронавирусот биле 73 лица, со што вкупниот број на заразени се искачи на 457 лица, изјави на денешната владина прес конференција директорката на Институтот за јавно здравје „Батут“ Верица Јовановиќ.

Во последните 12 часа хоспитализирани се 47 заболени, а вкупно 25 лица кои се водат како тешки случаеви ставени се на респиратор.

Како што јави дописникот на МИА од Белград, Јовановиќ кажа дека денес е тежок ден за Србија, бидејќи во еден ден се регистрирани три смртни случаи, затоа што синоќа починале две лица, К.С. (80), кој бил хоспитализиран на Клиниката за инфективни и тропски болести на Клиничкиот центар во Белград и П.Б (62), која бил хоспитализирана во Клиничкиот центар во Ниш, додека непосредно пред прес-конференцијата, во Белград од коронавирус починала особа на 48-годишна возраст. Со тоа билансот на починати лица од коронавирус се искачи на 7 лица.

На прес конференцијата беше кажано дека во Србија досега најмногу заболени има во Белград-177 лица, Ниш има 40 заразени граѓани, како и Ваљево, додека според вчерашните податоци Нови Сад има 21 заразени лица, Чачак 13, Крагуевац има 12 лица со потврден коронавирус, Крушевац и Чуприја имаат по 10 лица, а во Кикинда, Врање, Ужице, Зајечар, Панчево имаат помалку од 10 потврдени случаи.

Сите позитивни луѓе со лесна клиничка слика ќе мораат да бидат сместени на Белградскиот саем, изјавија епидемиолозите на прес конференцијата, напоменувајќи дека тој нема да биде колективен центар.

Српскиот претседател Александар Вучиќ во наредните 24 часа по препорака на лекарите треба да одлучи дали Белград, Ниш и Ваљево ќе ги затвори поради големиот број на заразени лица.

Тој најави дека државата наскоро ќе излезе и со предлози за мерки за помош на приватниот сектор.

Во Србија во моментов има 67.000 работници кои се на „чекање“ и оние кои не работат, а околу 168 компании престанаа со производство поради пандемијата на коронавирус, изјави директорот на Секторот за стратегиска анализа на Стопанската комора на Србија, Михаило Весовиќ.

InterServer Web Hosting and VPS