Лига шампиони може да се игра во термини кои досега биле незамисливи, познат најоптималниот датум за да се „одмрзне“ фудбалот

УЕФА инсистира да биде комплетирана сезоната во двете најсилни натпреварувања. Европската фудбалска куќа веќе загуби многу милиони евра поради тоа што мораше да го одложи Европското првенство за следната година, а сега целта е да се комплетираат натпреварувањата во Лигата на шампиони и Лигата на Европа. На вчерашниот состанок во Нион не беше донесен конкретен план за тоа како да се доиграат мечевите од домашните првенства и европските натпреварувања, но договорот е целата сезона да биде комплетирана до крајот на јуни.

Еден од плановите на УЕФА е Лигата на шампиони да се игра во необичен термин, а тоа е за викенд. Таква опција постои за да им овозможи на домашните првенства да ги одиграат преостанатите кола во забрзан ритам за време на работната недела.

Засега најкритично е во италијанската Серија А. Таму останауваат да се доиграат дури 12 кола, плус некои заостанати мечеви. Во Бундес лигата и Премиер лигата се останати уште по девет кола, па таму е многу поверојатно да се најдат пристојни термини за комплетирање на сезоната до крајот на јуни.

Претпоставките се дека финалето на Лигата на Европа ќе може да се одигра на 24 јуни во Гдањцк, а завршниот меч од Лигата на шампиони да биде три дена подоцна во Истанбул.

Најоптимален датум за рестарт на првенствата е 14 април, што значи дека до завршување на сезоната би имало 10 слободни викенди и девет слободни среди. Доколку фудбалот се „одмрзне“ на 5 мај, во тој случај веројатно ќе треба да се игра фајнл-фор турнир во Лигата на шампиони и Лигата на Европа.

Фудбалот не само во Европа, туку и во поголемиот дел од светот е на принудна пауза поради пандемијата со Коронавирусот од која досега се заразени речиси 200.000 луѓе.

InterServer Web Hosting and VPS