Суд му забрани на Трамп да ги блокира критичарите на неговата Твитер сметка

epa07612467 US President Donald J. Trump speaks to the media as he departs the White House for Colorado in Washington, DC, USA, 30 May 2019. Trump spoke about Special Counsel Robert Mueller's statement at the Justice Department on 29 May. He also spoke about trade with China, growing tensions with Iran, and the situation in Venezuela. EPA/JIM LO SCALZO

Американскиот претседател Доналд Трамп нема право да спречува достап на критичарите да пристапуваат на неговата Твитер сметка, соопшти денеска федерален суд.

Тричлен состав на Апелациониот суд од Вториот федерален судски округ, кој заседава во Менхетен, едногласно одлучи дека Првиот амандман на Уставот му забранува на Трамп да ја користи функцијата „блокирање“ на Твитер за да го ограничи пристапот до својот, инаку јавен профил.

Во мотивите за одлуката, судијата Барингтон Паркер пишува дека Првиот амандман не дозволува „јавно службено лице, која користи сметка во социјалните медиуми за секакви службени цели, да исклучува од онлајн дијалог лица, со различно мислење, бидејќи тие изразуваат ставови со кои службеното лице не е во согласност“.

Немаше итен коментар од Белата куќа и Одделот за правда на САД за оваа тема. Досега нема коментари од администраторите на Твитер.

Денешната одлука ја потврдува одлуката на федералниот окружен суд во Менхетен од мај 2018 година. Тогаш Министерството за правда посочи дека пресудата е „фундаментално недоразбирање“, објаснувајќи дека Трамп користи Твитер за да ги шири своите ставови, а не како платформа за јавна дискусија.

Доналд Трамп ја претвори сметката на @RealDonaldTrump во централен дел од неговото претседателствување. Во неа ја објавува својата агенда, објавува политики и ги напаѓа критичарите.

Тој има 61,8 милиони следбеници, додаде Ројтерс.

InterServer Web Hosting and VPS