Напиток од куркума за подобар имунитет

Куркумата традиционално се користи за спречување на кардиоваскуларни и невродегенеративни заболувања, како и за ублажување на дигестивните нарушувања, а чaјот од куркума претставува еден од најдобрите начини да го вклучиме овој зачин во исхраната, бидејќи високата температура ја зголемува биорасположивоста на антикоксидантите на куркуминот.

Куркуминот докажано го зајакнува имунитетот благодарение на своите антиинфламаторни и антибактериски својства. Овој антиоксиданс помага во превенција на рак, додека истражувањата исто така покажаа дека го ограничува ширењето на клетките на ракот. Куркуминот делува антиинфламаторно и на тој начин ги ублажува симптомите на ревматоиден артритис. Неколку студии покажаа дека оваа состојка ги намалува болките кај синдромот на иритација на дебелото црево.

Сепак, ако аромата на куркума не ве привлекува, од помош може да ви бидат дополнителни зачини, мед и млеко. Во лонче со врела вода од 2 дл додадете лажичка куркума и цимет во прав, малку мелено каранфилче и малку црн бибер. Потоа намалете ја топлината на умерена и гответе 10 минути. Процедете го чајот и додадете малку млеко (кравјо или билно млеко, по желба) и мед по вкус.

InterServer Web Hosting and VPS