Дино Мерлин собра над 50.000 граѓани на скопскиот плоштад

Балканската музичка ѕвезда, Дино Мерлин, направи концерт за паметење на дочекот на Новата 2020 година. Над 50.000 граѓани уживаа во хитовите на популарната ѕвезда.

Скопскиот плоштад беше преполн, а расположени луѓе од цела Македонија, но и од околните земји, решија токму тука да го проследат доаѓањето на Новата 2020 година.

На неколкучасовната забава организирана од Град Скопје, пред Мерлин граѓаните ги забавуваа и групите „Gypsy Groove“ и „Суперхикс“.

Град Скопје најави дека за мега ѕвездата Дино Мерлин нема да платат ниту еден денар, односно дека неговиот хонорар ќе биде платен единствено од спонзорите.

Воедно, со овој концерт завршува и „Винтерленд“, или зимскиот град кој втора година по ред се организира на скопскиот плоштад.

InterServer Web Hosting and VPS