Воспоставен безвизен режим меѓу земјава и Украина

Државјаните на Mакедонија и на Украина, кои поседуваат биометриски пасоши, од денеска ќе можат слободно да патуваат во другата држава без виза и да престојуваат во неа до 90 дена.

Од вчера стапи во сила постојаниот безвизен режим меѓу Украина и Македонија, објави денеска на Твитер државниот секретар во украинското Министерство за надворешни работи, Андриј Зајац.

„Стартот на безвизниот режим со Северна Македонија на постојана основа значи укинување на краткорочните и долгорочните (имигрантски) визи“, наведува Зајац, додавајќи дека државјаните на Северна Македонија и на Украина, кои поседуваат биометриски пасоши, ќе можат слободно да патуваат во другата држава и да престојуваат во неа до 90 дена.

Украинската Влада на 21 август го одобри Договорот со земјава за условите за укинување на визниот режим со земјава. На 18 декември двете држави потпишаа Спогодба за укинување на краткорочните и долгорочните имигрантски визи, како и за старт безвизен режим.

InterServer Web Hosting and VPS