Борисов: Европа е цврсто решена да биде водечка во справувањето со климатските промени

Промените во климата се факт и се случуваат со таква брзина што ризикот и опасноста за човештвото се огромни, изјави бугарскиот премиер Бојо Борисов во Брисел каде европските лидери на самит постигнаа договор за Зелен пакт кој предвидува нулта емисии на штетни гасови до 2050 година.

– Ние секогаш сме го ставале здравјето и чистотата на воздухот на прво место во нашите програми, мора да кажеме каква е иднината на јагленот и што ќе се случи за 30 години, изјави Борисов.

Тој исто така истакна дека е важно да се даде неопходното време со цел процесите да течат непречено и да не му се наштети ниту на енергетскиот сектор, ниту на рударите и другите работници во секторот.

Борисов подвлече дека е неопходно Европа да им помогне на земјите да ги регулираат тие процеси.

InterServer Web Hosting and VPS