Тела на жртвите пронајдени во камионот вратени во Виетнам

Телата на 16 од вкупно 39 Виетнамци кои беа пронајдени во приколка од камион во близина на Лондон, денеска беа вратени во Виетнам и предадени на семејствата.

Телата беа пронајдени на 23 октомври, а полицијата соопшти дека жртвите биле на возраст меѓу 15 и 44 години. Беа пронајдени тела на 31 маж и осум жени.

За случајот има неколку осомничени луѓе и во Британија и вo Виетнам.

Во понеделникот, возачот на камионот беше изведен пред суд и призна дека е виновен за заговор за илегалната имиграција и стекнување на пари со криминална активност. Тој меѓудругото е осомничен и за смртта на 39 луѓе.

InterServer Web Hosting and VPS