Конечно падна договор, Ван Бисака ќе биде петтото најскапо засилување на Манчестер јунајтед

Кристал Палас и Манчестер јунајтед си пружија рака, Ван Бисака во следните 24 часа треба да ги комплетира медицинските прегледи и да потпише договор со „црвените ѓаволи“.

По две одбиени понуди, Кристал Палас ја прифати третата од Манчестер јунајтед за услугите на Ван Бисака.

Договорот е вреден 45 милиони фунти плус 5 милиони во бонуси.

Јунајтед на Ван Бисака му понуди долгогодишен договор со неделна плата од 80.000 фунти. Во Кристал Палас заработуваше 10.000 фунти неделно и беше најмалку платениот играч од првиот тим.

Тој ќе биде петтото најскапо засилување во историјата на Манчестер јунајтед, пред него се само Пол Погба, Ромалу Лукаку, Анхел ди Марија и Фред.

Ван Бисака е биде второто засилување ова лето за Јунајтед кој претходно потпиша со Даниел Џејмс од Свонси за 15 милиони фунти.

InterServer Web Hosting and VPS