Камион со мигранти излетал од пат на улицата „Железничка“ во Куманово

Куманово, 17 септември- Камион во кој се превезувале мигранти, вчера излетал на улицата „Железничка“ во Куманово, потврди денеска МВР.

Според соопштението на полицијата, вчера во 23 часот, полициски службеници на автопатот Куманово-Табановце дале знак за запирање на товарно моторно возило „ДАФ“ со скопски регистарски ознаки со полуприколка, но возилото не застанало. Набргу потоа, според пријавеното, на улицата „Железничка“, пред село Черкезе, кумановско, возилото излетало од патот.

При преглед на возилото биле пронајдени 81 лице – мигранти од Авганистан, Индија, Бангладеш и Пакистан. Мигрантите биле привремено сместени во Транзитниот центар Табановце. Полицијата работи на расчистување на случајот.

InterServer Web Hosting and VPS