Британската компанија Electrogenics ја претстави својата верзија на електрифицираниот Porsche 911, приклучувајќи им се на голем број други компании кои нудат слични решенија за љубителите на класичните автомобили…

Сепак, Electrogenics се разликува од другите по тоа што нуди погонски агрегат кој е целосно реверзибилен, што значи дека сопствениците можат да го доградат фабричкиот 6-цилиндричен мотор доколку сакаат.

Автомобилот на фотографиите е првиот што го има E62 пакетот за конверзија. Моторот располага со 215 КС и 312 Nm вртежен момент, а оваа сила се пренесува на задните тркала преку менувач со една брзина.

Перформансите се одлични и за денешно време: Забрзувањето од 0 до 100 km/h трае помалку од 5 секунди.

Оние кои сакаат подобри перформанси можат да изберат пакет каде моторот испорачува 320 КС и дополнителни 109 Nm вртежен момент, што позитивно влијае на забрзувањето така што автомобилот ќе достигне „100“ за околу 4 секунди, велат информативните агенции.

Електричните автомобили имаат одлично забрзување, но моментумот брзо исчезнува на врвот.

Сепак, од Electrogenics тврдат дека нивниот преработен 911 го нема тој проблем, туку има „немилосрдно, немилосрдно забрзување“ дури и откако ќе достигне 100 mph.

Без оглед на избраната опција, Porsche 911 доаѓа со батерија со капацитет од 62 kWh која е поставена ниско во автомобилот за да обезбеди низок центар на гравитација.

Батериите се поставени напред и во моторниот простор, а компанијата тврди дека распределбата на тежината е супериорна во однос на стандардниот автомобил.

Електричниот систем тежи нешто помалку од 100 kg и овозможува досег до 322 km.

Иако погонот е модерен, Electrogenics не се „плеткал“ со легендарниот дизајн, каросеријата е обоена во ирско зелена боја и изгледа како да е легендарниот модел 2.7 RS, но всушност станува збор за модел на G-Body од 1985 година кој е „ вратен во минатото“ да изгледа како постар модел.

Внатрешноста ги има оригиналните инструменти, кои се модифицирани за да го прикажуваат опсегот и информациите за брзината на полнење на батеријата.

Кожниот тапацир навистина одлично се вклопува со зелената боја на каросеријата, а забележливо е дека недостасува менувачот, заменет со мала контролна табла.

Ко-основачот на компанијата Стив Драмонд Steve Drummond тврди дека интересот за електрични класични автомобили е огромен, со пакети за G-Body и 964 генерација 911 кои се нудат.