Одбранбената соработка помеѓу Северна Македонија и Обединетото Кралство е на највисоко ниво. Двете земји продолжуваат активно и интензивно да ги развиваат националните капацитети кои се капацитети и на Алијансата, заклучија на денешната средба во Министерството, министерката Славјанка Петровска и новиот британски амбасадор во земјава, Метју Лосон.
Петровска се заблагодари за досегашната британска поддршка во однос на обуката на нашата НАТО единица, за донациите во опрема како и за долгорочната советодавна помош во развојот на одбранбените и армиските капацитети.
Амбасадорот Лосон порача дека Велика Британија останува посветена на соработката со Северна Македонија и развојот на армиските капацитети.