Home » Лукашенко: Белорусија купи ракетни системи С-400 и ракети Искандер од Русија

Лукашенко: Белорусија купи ракетни системи С-400 и ракети Искандер од Русија

by Журнал.мк

Белорусија купи од Русија противвоздушни системи С-400 и ракети Искандер, изјави белорускиот претседател Александар Лукашенко.

Тој ова го изјави на 85-тиот ден од почетокот на руската воена операција во Украина, која беше започната на 24 февруари. Белорусија, главниот сојузник на Русија и земја што се граничи со Украина, стана база за заднина за руската офанзива.

– Се договоривме со Путин – рече Лукашенко, пренесе неговата прес-служба преку Телеграм.

Тој рече дека го набавил „потребното количество“ на тоа оружје, без други детали.

– Со ова оружје тоа е веќе сосема друга армија – рече Лукашенко и додаде дека ова оружје може да „предизвика колосална штета“.

На почетокот на мај, 67-годишниот Лукашенко, кој владее со Белорусија со цврста рака од 1994 година, го обвини Западот дека е „опседнат“ со нацистичките идеи и дека е „во војна со Русија“ во Украина, според АФП.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More