Home » Албанците со рекорд во Европа- над 11 илјади лани аплицирале за азил

Албанците со рекорд во Европа- над 11 илјади лани аплицирале за азил

by Журнал.мк

Иако со побавно темпо, албанските граѓани продолжуваат да бараат азил во некоја од земјите на Европската унија и да бидат најбројни во споредба со граѓаните на други земји во Европа.

Последните податоци на Агенцијата за азил на Европската унија (ЕУАА) покажуваат дека во 2021 година барање за азил поднеле вкупно 11.246 албански граѓани, од нив 77 отсто аплицирале по првпат.

Други податоци на Еуростат покажуваат дека во споредба со претходната година, кога движењето беше ограничено поради пандемијата, барањата за азил се зголемиле за 19 проценти. Во периодот од 2013 до 2021 година рекорден број имало во 2015 година кога азил побарале 68.925 албански граѓани.

-И покрај трендот на опаѓање, во однос на земјите од регионот, Албанците сакаат да заминат повеќе од сите други земји во регионот. Од Северна Македонија, која е втора земја на листата има околу 5 илјади барања или помалку од половина од Албанија. Следува Србија со 3.200, Босна и Херцеговина со 2.500, Косово со околу 2.300 и Црна Гора со помалку од 500. Дури и во однос на населението, Албанија е рекордер со 3,9 барања на 1000 жители, пренесува агенцијата Балкан веб.

Според истиот извор значително посилен пораст има само кај граѓаните на Северна Македонија (5.000), чии апликации се зголемени за четирипати.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More