Home » Џафери- Стрик: Силна поддршка за продолжување на европскиот пат на Македонија

Џафери- Стрик: Силна поддршка за продолжување на европскиот пат на Македонија

by Журнал.мк

Ова е втора средба на Џафери во својство на премиер со европратеничката Стрик, со која се сретна и во рамки на неговата прва посета на европските институции на 14 февруари 2024 во Брисел. Холандската европратеничка Стрик е дел од групата на Зелени/ Европска слободна алијанса, и член на Комисијата за надворешни работи на Европскиот Парламент и на Мешовитиот парламентарен комитет ЕУ-Македонија.

Фокусот на средбата беше на натамошниот напредок на Македонија во процесот на евроинтеграција, што се оцени како исклучително значаен за перспективите на граѓаните во државата, но и во регионален и посебно геополитички контекст.

Притоа, беше нагласена силната поддршка за продолжување на европскиот пат по завршувањето на изборите во земјата.

Премиерот Џафери оцени дека Македонија се наоѓа во важен момент од демократскиот развој и дека претседателските и парламентарните избори ќе го одредат правецот на државата, што со право се следи со интерес во регионот и во Европа.

Притоа, потенцираше дека Владата ги презема сите чекори, согласно законските надлежности, да осигура дека сите надлежни институции ќе овозможат спроведување фер и демократски избори со целосен легитимитет.

Европратеничката Стрик го поздрави постигнатиот напредок на Македонија и одлично завршениот процес на скрининг, притоа ја нагласи итноста и важноста од продолжување на започнатиот пат од геополитички аспект, како и искористување на позитивниот момент и широката постоечка поддршка за проширувањето на ЕУ.

Воедно, повика веднаш по завршувањето на изборите и формирањето на Собранието и Владата, Македонија активно и забрзано да работи на спроведувањето на уставните измени и исполнување на реформската агенда, и заедно со соседите, да го заокружи патот кон членство во Унијата.

На средбата се разговараше и за важноста на Планот за раст на Западен Балкан и неговото усвојување во Европскиот парламент, како и за натамошното зајакнување на севкупната соработка на нашата држава со Европскиот парламент, вклучително и преку присуството на претставници од нашите собраниски служби во Брисел.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More