Home » Џафери на средба со помошникот државен секретар на САД за Европа и Евроазија О Брајан

Џафери на средба со помошникот државен секретар на САД за Европа и Евроазија О Брајан

by Журнал

Помошникот државен секретар на САД за Европа и Евроазија Џејмс О Брајан попладнево во законодавниот дом ќе одржи средба со претседателот на Собранието на Република Северна Македонија, Талат Џафери.

О Брајан во Скопје учествува на Конференцијата за планот за раст на Западен Балкан.

-САД секогаш стојат зад Северна Македонија и ја поддржуваат Северна Македонија. Навистина сме горди што сме сојузници и што работиме со оваа Влада која во нејзините последни денови е домаќин на оваа важна иницијатива. Планот за раст на ЕУ не е како никој друг план што сме го виделе досега, бидејќи не треба да правите реформи за да бидете оценувани подоцна, туку ако направите одредени реформи тогаш вашите компании и вашите луѓе многу брзо ќе ги уживаат четирите слободи на ЕУ – слобода на движење и можност да работите каде сакате, слободно движење на капиталот и услугите. Тоа е суштината на заедничкиот пазар, затоа сум задоволен што сум тука со Јан Копман кој ја дизајнираше оваа програма, рече О’ Брајан претпладнево на конференцијата во Скопје.

На крајот на неделава во земјава треба да биде изгласана преодната Влада пред изборите за пратеници на 8 мај, на чие чело треба да застане актуелниот претседател на Собранието Џафери.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More