15.8 C
Skopje
Thursday, June 17, 2021

Џонсон и Џонсон почна со испорака на вакцини во ЕУ

Најчитани вести

„Џонсон и Џонсон“ денеска започнаа да ја доставуваат својата вакцина против Ковид-19 до Европската унија, која се дава во единечна доза, соопшти Питер Лизе, европратеник од Христијанско-демократската унија (ЦДУ) на германската канцеларка Ангела Меркел.

Компанијата Џонсон и Џонсон првично планираше да започне со испорака на вакцината на почетокот на април, но ова беше одложено поради потешкотии во производството,

– Џонсон и Џонсон денеска започнаа да испраќаат пратки со вакцини во ЕУ, соопшти Лизе.

Американската компанија вети дека на ЕУ ќе и испорача 55 милиони до крајот на јуни и уште 120 милиони дози во третиот квартал, изјави претходно овој месец комесарот за индустрија на Европската комисија, Тиери Бретон.

– До неодамна беше нејасно дали ќе го исполни тоа ветување. Но, 50 милиони дози се сигурни за вториот квартал, рече Лизе, додавајќи дека информациите ги добил од самата компанија и од Европската комисија, која ги координира преговорите со фармацевтските компании.

Повеќе вести

- Advertisement -spot_img

Најнови вести