-3.2 C
Skopje
Wednesday, January 19, 2022

Ќе има ли дополнително замрзнување на цените на производите?

Најчитани вести

Статистика пресмета енормен раст на цените на основните производи и услуги. За една година маслото поскапело за 25%, лебот и шеќерот за над 9%, овошјето и зеленчукот за 6,5%, а месото за скоро 6%. Покрај тоа, во време на пандемија не престануваат да растат ниту цените на фармацевтските производи, кои во декември лани биле за 3% повисоки споредено со истиот месец претходната година. Транспортот, пак, поскапел за скоро 17%.

Според пресметките на Сојузот на синдикати на Македонија, трошоците на едно семејство само за покривање на основните потреби пораснале за дури 1.150 денари.

Министерството за економија неделава ќе анализира дали е потребно повторно да се интервенира за да се заштити куповната моќ на граѓаните.

“Ние веќе го проширивме списокот од првичната одлука за замрзнување на цените на основните прехранбени производи. Бидејќи извештајот овие денови е објавен од страна на Државниот завод за статистика, во текот на оваа недела ќе се направат дополнителни анализи во склоп на Министерството за економија и ќе бидете известени до крајот на неделата за начинот како ќе продолжи да се имплементира оваа мерка или, пак, целосно ќе се укине. Уште еднаш, за да бидеме попрецизни, пред година и пол ние веќе донесовме слични одлуки во делот на замрзнување, не на цените, туку во замрзнување на маржите на увозниците во делот на увоз на тие производи кои беа наведени и кои се користат од страна на потрошувачите. Зборуваме за основни прехранбени производи, согласно Законот за трговија“, вели Крешник Бектеши, министер за економија.

За да го намали ценовниот удар врз граѓаните, Владата веќе замрзна цени на повеќе основни прехранбени производи, кои до крајот на јануари ќе се продаваат по цени како што биле на 1 декември лани.

На терен, трговците во најголем дел ја почитуваат мерката. Од извршени над 300 контроли кај трговците ширум земјава, пазарните инспектори затекнале само 6 случаи каде не се почитувала владината одлука. Петмина трговци се од Гостивар, а еден од Битола. Покрај обврска да ги вратат старите цени на производите, за нив се изречени и парични казни, чија висина зависи од големината на фирмата и се движат од 800 до 10.000 евра.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com