Покрај иницијативата за промена на имињата на улиците, во Тетово се зголемени и барањата за промена на имињата на дел од училиштата. Поединци од образовниот сектор велат дека некои имиња на училишта, дури и немаат симболичко или историско значење за граѓаните. Од вкупно пет средни училишта, четири имаат имиња кои не се соодветни како што е случајот со Медицинското училиште Никола Штајн.
„Малкуте податоци што ги имаме, не можеме да кажеме дека се точни, значи бил медицинско лице во партизаните, кој ниту не е од нашата земја, ниту е поврзан со нашата земја. Бидејќи сме најголемото училиште тука, често имаме барања од родителите и учениците зошто училиштето не добива име кое би било поврзано или со Тетово или со некоја друга медицинска личност “, рече Малесоре Рамадани Директорка на СМУ „Никола Штејн“.
Вакви барања имаше и во други училишта.
„Во рамките на Општина Тетово има пет средни училишта, од кои само едно го носи името „ 7-Март “, додека останатите четири имаат имиња кои се од комунистичкиот период и според истражувањето што го направивме за училиштето Никола Штајн, нема податоци ниту во google ниту во други истражувачки алатки“, рече Назми Даути- Сектор за образование Тетово.
Слични иницијативи за промена на имињата на основните и средните училишта се случија неколку пати, но поради недостатокот на политичка кохезија во локалната власт, нивната промена секогаш пропаѓаше.
Проблемот со имињата на училиштата се отвора во исто време кога постапката за промена на имињата на улиците во Тетово е во фаза на јавна дебата. Бројот на поднесени предлози на последните две јавни расправи достигна 1050. Иако денеска требаше да се одржи трета јавна дебата, дебатата беше откажана за следната недела поради празникот Велигден. Портпаролот на општината Албион Алили, за Алсат вели дека постапката се одвива без судири.
„По дебатите, комисијата ќе ги оцени предлозите и биографиите на предложените имиња и ќе дејствува за нивно именување. Всушност, комисијата работи на предвидената форма и ќе постапи. Нема судир како што е наведено во јавноста, сè оди како што треба“, Албион Алили, портарол на Општина Тетово.
Во моментов нема конкретна временска рамка за тоа колку време ќе трае процесот.
