Home » Јапонија донира 37 милиони долари за воздушната одбрана на Украина

Јапонија донира 37 милиони долари за воздушната одбрана на Украина

by Журнал

За време на посетата на Киев, јапонската министерка за надворешни работи Јоко Камикава и вети на Украина поддршка во нејзината континуирана одбрана од руската агресија.

-Јапонија ќе плати 37 милиони долари во фондот на НАТО, изјави вчера Камикава на заедничката прес-конференција со нејзиниот колега Дмитро Кулеба, пренесуваат украинските медиуми.

Таа посочи дека овие пари потоа ќе бидат од корист за воздушната одбрана на Украина и ќе се влеат во системите за откривање дронови.

Русија со месеци ја бомбардира соседната земја со големи борбени напади со беспилотни летала.

Јапонија ја поддржува Украина во нејзината борба против руската инвазија, која трае речиси две години, а исто така воведе санкции против Русија во согласност со Западот.

Претходникот на Камикава Јошимаса Хајаши и јапонскиот премиер Фумио Кишида исто така ја посетија Украина на разговори пред неколку месеци.

Сепак, пацифистичкиот устав на земјата не и дозволува на Јапонија самата да испорачува оружје на Украина.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More