Новиот министер за образование и наука Јетон Шакири ќе има многу тешка работа после она што се случи со екс министерката Мила Царовска, изјави за „Утрински брифинг“ на Слободна ТВ“, Весна Јаневска претседателка на комисија за образование и наука на ВМРО-ДПМНЕ, потенцирајќи дека Царовска започна нешто за што нашето образование и теренот не беа подготвени.
– Теренот не беше подготвен и за концептот, и за дигитализацијата, и за повлекување на учебници. Да може тоа да се направи, да се работи без учебници треба да се подготвени за тоа, а тие им рекоа од денеска нема учебници, рече Јаневска.
Та посочи дека новиот министер има две можности да врати се по старо и да оди чекор по чекор во реформи, или паралелно да се одвиваат многу процеси.
– Ако не враќа се по старо мора да се направи ревизија на концепцијата, мора да испечати учебници, да се разговара со професорите, факултетите да се изготви програма и потребни се обуки за наставниците. Треба да се даде поддршка за наставниците од релевантни институции, истакна Јаневска.
Јаневска во однос на дигитализација ВМРО-ДПМНЕ никогаш не беше против, туку ВМРО-ДПМНЕ бараше паралелно да има и дигитални и хартиени учебници.
– Да се одвива процесот, затоа што реформите не се прават за една или две години. И за реформи потребен е консензус помеѓу сите чинители и дури и учениците и родителите. Треба да се работи континуирано и ефектот да го видиме за 10 години. Тоа што не добро не треба да помине, изјави Јаневска.
