Home » Јаневска: Ќе се обидеме да го рестартираме образованието

Јаневска: Ќе се обидеме да го рестартираме образованието

by Журнал.мк

Ќе се обидеме да го рестратираме образованието за да биде добро, бидејќи состојбата во оваа област е многу лоша и ќе треба многу работа и многу време, но мораме да почнеме со работа, рече Весна Јаневска, претседател на Комисијата за образование на ВМРО-ДПМНЕ на гостување во емисијата За или против што се емитува на телевизија Алфа.

Јаневска посочи дека се направени многу грешки во изминатиот период во образовниот процес на сите нивоа.

-Направени се многу грешки и метафорично кажано може да ни се случи некои книги да ги лепиме. Значи не во буквално смисла да лепиме, туку да средуваме, вели Јаневска.

Јанеска посочи дека стратегијата во наредниот период министерството ќе ја прави со сите чинители.

-Стратегијата ќе ја правиме со сите чинители во образование од вработени до родители. Мора сите да ги консултираме, мора сите да се вклучени во секоја смисла и запознаени со тоа што се прави, а секако ќе ги слушаме нивните потреби, кажа Јаневска.

Јаневска укажа дека идејата е да имаме контиунирано подобрување на квалитетот на образованието, а не драстични промени.

-Не смее да има такви промени, толку да пропаѓа образованието и квалитетот. Но, тоа е факт и го гледаме од тестирањата и домашни и странски. Тоа мора да се смени, мора да има континуитет, вели Јаневска.

Според неа ќе се почне со решавање на проблемите по ред.

-Многу е лоша состојбата, но можеме скоро да добиеме резултати од обуки на наставници, потоа воспитување на ученици, како и создавање свест колку е важно образованието. Тоа се работи од кои може брзо да има резултати, кажа Јаневска.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More