Home » Јовиќ: Прерано отидов во Реал и немав среќа на почетокот

Јовиќ: Прерано отидов во Реал и немав среќа на почетокот

by Журнал.мк

Српскиот напаѓач Лука Јовиќ се обидува да се врати во вистинска форма оваа сезона во Фиорентина, откако честопати беше споменуван како најлошото засилување во историјата на Реал Мадрид, и вели дека едноставно немал среќа со трансферот на „Сантијаго Бернабеу“ кој го направил прерано.

Добивај вести на вибер

Јовиќ блескаше во дресот на Ајнтрахт Франкфурт, по што „кралевите“ платија 60 милиони евра за неговиот трансфер во летото 2019 година. Меѓутоа, поради низа повреди и слаба форма, тој постигна само 4 гола во дресот на Реал, по што прво беше пратен на позајмица назад во Франкфурт, пред ова лето да направи постојан трансфер во Фиорентина.

„Искуството во Реал беше добро и многу важно за мене. Голема чест е што бев дел од најголемиот клуб на светот. Меѓутоа, мислам дека отидов таму прерано, а во моментот кога пристигнав, експлодираше Карим Бензема и оваа сезона ја освои ‘Златната топка’. На почетокот немав среќа. Прво почна короната, а потоа и повредите. Се решив за Фиорентина, иако имав понуди од поголеми клубови. Сите знаат дека финансиски пропуштив многу да дојдам тука, но се наоѓам на вистинско време за да ја вратам старата форма“, вели 24-годишниот Јовиќ.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More