Поранешниот амбасадор во Бугарија Марјан Ѓорчев во 24 анализа рече дека коспонзорирањето на американската резолуција е исправно затоа што според него САД е единствениот стратешки партнер на Македонија.
„Од мој агол на гледање сосема исправна одлука затоа што единствен стратешки партнер на Македонија е САД од 2008 година можеби уште и Турција која важи како земја што не поддржува. Трамп направи пресврт на светската политика и застана како брана на клиентелизмот, корупционерството, невалдините органиации кои години наназад рушат влади, трошат пари на американските граѓани и од прв пат отворено јасно и гласно ги претстави сите тие незаконски дејствија“, рече Ѓорчев.
Тој објасни и дека декларацијата за која Македонија беше поддржувач беше усвоена и целосно поддржана.
„Американската држава независно кој е претседател, е држава која што ја гледаме е држава на американскиот народ и тој народ гласаше за трамп. Зад него стои народот. Најсилната економија, најсилната воена сила и најсилниот геополитички играч. Декларацијата за која Македонија беше поддржувач е успешна и во Советот за безбедност со 10 гласа за целосно беше поддршана без амандмани без додатоците од ЕУ“, додаде Ѓорчев.
