Home » Ѓукановиќ за протестот во Подгорица: Нè има, ќе нè има и Црна Гора ќе ја има

Ѓукановиќ за протестот во Подгорица: Нè има, ќе нè има и Црна Гора ќе ја има

by Журнал.мк

Црногорскиот претседател и лидер на Демократската партија на социјалистите (ДПС), кој не учествуваше, но го поддржа синоќешниот протест во Подгорица, на Твитер објави фотографија од тој митинг и порача дека Црна Гора ќе ја има.

„Нѐ има, и тоа како нѐ. Ја има и Црна Гора. Слободна, граѓанска, мултиетничка, независна. И ќе ја има Црна Гора. Европска. И ќе нè има. Секогаш кога е потребно“, напиша Ѓукановиќ на Твитер.

Протестот во Подгорица се одржа под слоганот „Нè има““, а формални организатори беа Форум Луча, додека претставници на ДПС, СДП, СД и ЛП ги повикаа граѓаните да излезат на протестот.

Од протестот беа испратени барања за повлекување на Законот за Претседател донесен во Собранието минатата недела, да се постигне договор за избор на судии на Уставниот суд и да се распишат вонредни парламентарни избори.

Ѓукановиќ претходно одби да го потпише донесениот Закон за претседател и го врати во Собранието на повторно одлучување.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More