2.8 C
Skopje
Wednesday, October 20, 2021

Шилегов негира дека градските советници тајно ја покачиле цената на водата

Најчитани вести

Откако скопјани се узбуркаа по информацијата дека цената на водата е поскапена за 20 отсто, а тоа Советот на Градот го направил кришум на крајот од октомври. Ноемвриските сметки се зголемени од 30 до над 500 денари, реагираат скопјани. На сума од 200 денари за потрошена вода, за одржување зеленило Градот ќе наплаќа 40 денари. За сума од над 1.000 денари, одржувањето на зеленилото ќе чини околу 420 денари. Сумите се многу повисоки за фирмите, кои плаќаат индустриска вода.

По овој повод се огласи градоначалникот Петре Шилегов да појасни за што станува збор. Скопскиот градоначалник Петре Шилегов негира дека градските советници тајно ја покачиле цената на водата. Шилегов додава дека цената на сметката за водата е иста, само што сега граѓаните првпат можат да видат во истата дека одвоено се плаќа и одржување за градското зеленило.

– Не е одлука на Советот и не е ново. Одлуката на Советот на Градот е од 2012 година, а согласно решението на Регулаторна комисија од 2016 година да се издвои ставката за одржување на градското зеленило, сега е воведена во сметките за вода. Значи водата не е поскапена, само во сметката сега првпат е видливо како ставка и финансирањето на „Паркови и зеленило“ – рече Шилегов.

На прашање да објасни дали станува збор за зголемување на сметките за вода за нови 20 отсто за градското зеленило, градоначалникот тврди дека нема зголемување и дека процентот од 20 отсто е ист, дека и досега сме го плаќале само граѓаните сега првпат може да го видат на сметките за вода.

Тој рече дека не може да знае дали некои индивидуални сметки за вода се повисоки и додаде дека скопјани пијат најевтина вода во Европа.

Заклучно со октомври на сметките за вода имаше ставки за потрошената вода и за ѓубрарина. Со ноемвриските сметки има ставка и за одржување на градското зеленило.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com