9.8 C
Skopje
Monday, October 18, 2021

ШИЛЕГОВ: НАЈГОЛЕМАТА ПОТВРДА ДЕКА СМЕ НА ВИСТИНСКИОТ ПАТ ЈА ОЧЕКУВАМ НА ИЗБОРИТЕ И ТОА ВО ПРВИОТ КРУГ

Најчитани вести

Во интервју за порталот Скопјеинфо, градоначалникот на Град Скопје Петре Шилегов беше запрашан за принципите врз основа на кои ги креира политиките во градот.

– Искрено сметам дека секој градоначалник пред и по преземањето на одговорноста да управува со градот мора постојано да си го поставува прашањето „дали е ова градот во кој заедно со своето семејство сакам да го поминам остатокот од својот живот?“, посочи градоначалникот Шилегов.

– Мојата визија за развојот на Скопје ја претставив пред граѓаните на изборите пред 4 години. Довербата ја добив заради тоа што таа визија во квалитативна смисла беше значително подобра од другите. Изминативе 4 години заедно со мојот тим посветено работевме на реализацијата на таа визија, додаде Шилегов.

– Секојдневните позитивни реакции на граѓаните за мене претставуваат валидна потврда дека сме на вистинскиот пат. Најголемата потврда очекувам да стигне на претстојните избори и тоа во првиот круг. Чесниот и одговорен пристап кон работата и предизвиците на средините во кои живееме секогаш носи успех, не знам зошто би било поразлично во мојот случај, потенцираше Шилегов.

Шилегов: Пред 3 години Ибни Пајко беше нелегално паркиралиште, а покривот на ГТЦ беше прогласен за „топлотен остров“

Во интервју за порталот Скопјеинфо, градоначалникот на Град Скопје Петре Шилегов беше запрашан за промените од аспект на зеленилото, животната средина и урбаното живеење.

– Паркот Ибни Пајко, кој сега се простира на површина од 11 илјади метри квадратни, пред само 3 години беше нелегално паркиралиште. Покривот на ГТЦ беше прогласен за т.н. топлотен остров во студија на УНДП, пред да стане прекрасен зелен покрив полн со луѓе. Плочникот пред ГТЦ на секој поголем дожд се полнеше со вода, сега таму има прекрасни дрвореди на јапонски јавор, посочи градоначалникот Шилегов.

– Ослободени се тротоарите од паркирани возила, обновено е булеварското зеленило.  Редизајнирани се повеќе јавни простори и претворени во нови урбани скверови со повеќе зеленило. Две години  по ред ЈП Паркови и зеленило го руши сопствениот рекорд на озеленети површини на годишно ниво, минатата година надмина 115.000 метри квадратни. Скопје ги доби и првите 2 памптрак полигони, додаде Шилегов.

– Ги реконструиравме мостовите, а во тек е реконструкција на патеките во градскиот парк. Цели 3 години веќе нема гужви од паркирани возила на Водно, има повеќе простор за спорт и рекреација, има нова Пионерска апхил велосипедска патека од Кочо Рацин до Средно Водно, прва од вкупно 3 предвидени во проектот „Велосипедски парк Водно“, нагласи Шилегов. Линк до интервјуто: https://skopjeinfo.mk/intervju-so-petre-shilegov-sekojdnevnite-pozitivni-reakcii-na-gragjanite-za-mene-pretstavuvaat

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com