0.8 C
Skopje
Saturday, January 28, 2023

Шефот на бугарската дипломатија го поздрави почетокот на Словенија со претседателството со ЕУ

Најчитани вести

Министерот за надворешни работи на Бугарија во техничката влада, Светлан Стоев, и честиташе на Словенија по повод почетокот на нејзиното претседателство со Советот на Европската унија, од вчера, 1 јули 2021 година.

За време на приемот во резиденцијата на словенечката амбасада во Софија тој изрази надеж дека мотото на словенечкото претседателство „Заедно. Одржливи. Европа“ ќе го покаже патот напред кон многу подобра Европа во иднина.

Како што јави дописникот на МИА од Софија, министерот Стоев кажа дека Бугарија целосно ги поддржува приоритетите на словенечкото претседателство со ЕУ и увери дека Словенија може да смета на помошта на Бугарија.

-Се надевам дека словенечкото претседателство и приоритетните области на кои се потпира ќе имаат корист од сите земји-членки, рече техничкиот министер за надворешни работи на Бугарија.

Во врска со ова, тој, исто така, истакна дека пристапот на земјите од Западен Балкан во ЕУ останува приоритет во надворешната политика на Бугарија. Истовремено беше испратена порака до словенечкото претседателство да се фокусира на иднината и одржливиот пристап што ќе помогне да закрепне од актуелните предизвици со кои се соочуваат земјите-членки на ЕУ.

Министерот Стоев се заблагодари на завршеното португалско претседателство со ЕУ.

Повеќе вести

- Advertisement -spot_img

Најнови вести