7.8 C
Skopje
Saturday, October 23, 2021

Шекеринска во Вермонт на средби со политичко-воениот врв на државата и на Националната гарда

Најчитани вести

Министерката за одбрана Радмила Шекеринска од денеска престојува во американската сојузна држава Вермонт откако имаше средби во Пентагон со секретарот за одбрана Лојд Остин и со неговите блиски соработници – потсекретарот Колин Кал и помошничката секретар Лора Купер, како и во Стејт Департментот со новиот пратеник за Западен Балкан, Габриел Ескобар.

– Шекеринска во Вермонт ќе се сретне со заменик гувернерката Моли Греј, а ќе ја посети и базата на Воздухопловната национална гарда каде со своите домаќини ќе разговараат за идните активности во соработката на Армијата со Националната гарда на Вермонт. Министерката ќе го посети и полигонот за планирање и операции во оваа сојузна држава и ќе присуствува на брифинг во Оперативниот центар за итни случаи, каде што ќе се информира за начинот на кој државата Вермонт се справува со природните несреќи и катастрофи, вклучувајќи ги и пожарите, соопшти Министерството за одбрана.

Шекеринска во Вермонт ќе има и прес-конференција заедно со своите домаќини, која ќе биде посветена на долгогодишната соработка на двете држави и двете армии.

Домаќин на посетата е командантот на Националната гарда на Вермонт, генерал-мајор Грегори Најт, кој ја придружуваше македонската делегација и во Вашингтон.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com