За денот на независноста, 8 Септември во Пеленица ќе се одржи традиционален пикник, во организација на СДСМ Кисела Вода.
Најавени за настап беа осум пејачи, но дури четири од нив го откажаа настапот, откако сфатиле дека настанот е организиран од политичка партија.
Јордан Митев, Адријана Кеш, Мерак Меана и Татјана и Новица го откажаа својот настап.
Како замена беше најавен Ефто Пупиноски, а неколку часа подоцна и тој најави дека нема да настапи.
Сакам да Ве информирам дека Ефто Пупиноски НЕМА ДА НАСТАПУВА на прославата по повод независноста на Република Македонија која ќе се одржи на ден 08.09.23 г. на Пеленица, општина Кисела Вода.
Исто така, нагласувам дека Ефто нема да биде нечија замена, а од што е толку оргинален самиот по себе е незаменлив -објавата на фејсбук страницата на Ефто Пупиновски доаѓа откако беше најавено дека тој ќе настапи на настанот „Традиционален пикник во Пеленица” по повод 8. Септември, Денот на независноста на Македонија, организиран од Општинската организација на СДСМ – Кисела Вода.
Ефто Пупиновски беше најавен како замена за музичарот Јордан Митев кој претходно го откажа својот настап. Наместо ликот на Митев на плакатот се наде Ефто Пупиновски.
